Isang Natatanging Tula Para Sa Aking Kumare

Happy Birthday to you, Mare!

O heto na aking kumare ang aking pagbibigay sa iyo

Sa ating pagkakaibigan, ito ang aking simpleng regalo

Isang tulang magpapatunay sa ating pagsasamahan

Isang biglaan sa simula, tingin ko'y hanggang sa dulo na

Ang ganda mo, yun lang ang masasabi ko, ang ganda mo

Hindi mo man ipakita sa madla pero napakaganda mo

Kahit sino man ang lumingon, mapapalingon muli sa iyo

Mapapalalaki man o pusong lalaki, tiyak magagandahan sa'yo

Ikaw lang ang kilala kong babaeng mahilig sa pula

Hindi ko lang mawari kung ano ba ang dahilan kaya?

Basta ang alam lang namin, bagay sa iyong ang kulay

Pula na ang ibig sabihi'y matapang at matatag sa buhay

Kapag tayo'y nagsama, talo pa ang mga komedyante

Dahil na rin siguro na tayo'y pareho nang kampante

Sa bilis ng ating utak makapag-isip ng mga biro

Na alam nating ang mga mahal nati'y sa tawa'y hapong-hapo

Ikaw lang ang tanging kakampi ko tungkol sa Muntinlupa

Ang ating mahal na lungsod na di hamak na napakaganda

Magsama raw tayong dalawa at lalo pang mas hahalina

Dahil sa Muntinlupa, lahat nagkakaisa dahil may disiplina

Pagdating naman sa pagdadamit, aba'y walang duda

Ikaw na talaga ang laging sumusunod sa kung anong moda

Kaya rin kita tinawag sa ngalang Julia Roberts, lola

Kahit anong simpleng damit, gumaganda't bumubongga

Sa pagtuturo ng ating pambansang wika, ikaw na talaga

Pagdating sa mga leksyon ng wika, lahat napapanganga

Gusto kong laging pagtapatin kung anong meron sa amin

Malamang sa Filipino, sa Ingles may katapat yan, aminin

Kaya rin siguro mahal na mahal ka ng mga estudyante mo

Dahil ikaw ang ina nila sa paaralan, hindi lamang isang guro

Kung pangaralin mo'y parang sila'y sarili o iyong-iyo

Kaya ang isinusukli sa iyo'y walang sawang pag-ibig at mundo

Wala rin sigurong tatalo sa mga mala-higanteng banat mo

Alam ko naman na ikaw ay simpleng nagpapakatotoo

Mahal mo lang kaming kaibigan mo kaya dapat sabihin

Ang totoong alam mong makakatulong ng malaki sa amin

At kung siya'y naaagrabyado't, nasasaktan na sa dusa

Tao lang din siyang nanghihina at naiiyak na sa tuwina

Pero kilala kita, anupa't pagsubok ang dumating sa iyo

Haharapin mo ito dahil ang ating Diyos ay karamay mo

At wala ring makakatalo sa isang pagkakataong pinili mo

Ang magpaka-nanay sa tatlong mahal na mahal mo, oo

Si Yaki, si Xandi at ang inaanak kong si Andrei 

Hindi ko man alam ngunit alam kong mahal ka na havey na havey!

Siyempre, hindi natin makakalimutan ang hari sa buhay mo

Si Kuya Archie na kung saan napakaganda ng pagsasama niyo

May mga dumaan man, mahirap at masarap, magkapiling pa rin

Mahalin ang isa't isa dahil iyan ang pangako niyo pa man din

Sa iyong kaarawan, hatid naming lahat ng mga kaibigan mo

Pati si Sharon Cuneta, sa halaw ng "Happy Birthday" ng McDo

Isang maligayang kaarawan at walang katapusang kaligayahan

Na nawa'y matamasa mo pa lahat sa buhay mong napakatatag

Akalain mong ang edad mo'y wala na sa kalendaryo

Pero ang "peg" mo ay parang pangdalawampu't tatlo

Ipagpatuloy mo lang, mare, kung ano ang nararapat sa iyo

Dahil minsan lang tayong mamuhay sa walang kasiguraduhang mundo

O siya, mare, nawa'y natuwa ka sa kung anong inihanda ko

Simple lang ito pero alam kong masasabi mong "rock" ito!

Maligayang kaarawan sa iyo, Ginang Arlene Cruspero Alfonso

Stay beautiful as always, and more importantly, God bless you!

Toodles, Mrs. Alfonso!!!